Magandang balita para sa ating mga kababayan sa Kuwait hindi n’yo na kailangang umuwi pa ng Pilipinas para lang mag-renew ng ating Philippine Driver’s License!
Bilang tugon sa patuloy na pangangailangan ng ating mga OFW sa overseas government services, ang Land Transportation Office (LTO) ay muling magdadala ng kanilang Serbisyo Caravan diretso dito sa Kuwait. Layunin nitong gawing mas madali, mas mabilis, at mas abot-kamay ang renewal process para sa lahat ng Pilipinong motorista abroad.
Schedule ng LTO Serbisyo Caravan sa Kuwait
December 5–6, 2025
📍 Crowne Plaza Hotel, Farwaniya
December 7, 2025
📍 Philippine Embassy, Sabah Al Salem
Handog ito sa lahat ng Pilipinong nagnanais mag-renew ng kanilang driver’s license nang hindi na kinakailangang magbakasyon o gumastos ng mahal sa pag-uwi.
📝 Requirements para sa Driver’s License Renewal
Siguraduhing dala ang mga sumusunod upang maging mabilis at maayos ang inyong transaction:
-
Driver’s License Card
-
Comprehensive Driver’s Education (CDE) Online Validation Exam
-
Maaari itong kunin sa LTO Portal bago pumunta sa event
-
-
Medical Certificate
-
Dapat may nakasaad na “fit to work”
-
Valid within 6 months mula sa pecha ng renewal
-
Bakit Mahalaga ang Serbisyong Ito?
Maraming OFWs ang matagal nang hirap makapag-renew ng lisensya dahil sa kawalan ng access outside the Philippines. Sa pagdadala ng serbisyo mismo dito sa Kuwait:
-
Mas nakakatipid sa oras
-
Walang kailangan na emergency vacation
-
Mas mababa ang gastos kumpara sa pag-uwi
-
Diretso at opisyal na LTO service
Ito ay tunay na patunay na pinapahalagahan ng pamahalaan ang mga pangangailangan ng mga bagong bayani ng bansa saanman sila naroon.
